Ab Farq Nahi Padta - Part 1 Jai Ojha Hindi Poetry

Welcome To StoryBookHindi

Jai Ojha Poetry
Ab Farq Nahi Padta Part 1 Hindi Poetry 


Ab Farq Nahi Padta -  
Jai Ojha Hindi Poetry

-PART 1-


Ek waqt tha jab tujhse Beintehaa Mohabbat karta tha,
Ab to tu khud Mohabbat bann Chali aaye to mujhe fark nahi padta...

Ek waqt tha jab teri parwah Kiya karta tha,
Ab to tu meri khatir fanah bhi ho jaaye to mujhe fark nahi padta...

Ek waqt tha jab tujhe hazaro message likha karta tha,

Aur koi kaam na tha mera bass din Raat Tera "last seen" dekha karta tha,

Abb sunle ki ab to arsa baat Gaya visit kiye teri profile Ko,
Ja abb tu 24 ghante online rahe mujhe fark nahi padta...

Ek waqt tha jab tujhse bichad jaane ka Darr Laga raheta tha,
Tu kahin chor na de iss khayal bhar se main sahema sahema sa raheta tha,

Lekin sunle ki itna ruswa hua hoon tere ishq mein,
Ki ab tu ek kya sau martaba chor jaaye to mujhe fark nahi padta...


ek pal tha jab tujhe bin ek pal na rahe sakta tha,
Bechain gumshuda akelepan se darta tha,

Lekin ab sunle,sunle ki ab to itna waqt bita chuka hu iss akelepan me,
Ki ta-umra tanha rahena padd jaaye to mujhe fark nahi padta...

Ek waqt tha jab tujhe koi Chu leta to mera khoon khaul uthta tha,
Aur Isliye kayi dafa Mai inn hawao se bair pala karta tha,

Are tere husn ke alawa kuch nahi hai tera paas agar,
To Jaa,Jaa tu kisi ke saath hum-bistar bhi ho jaaye to mujhe fark nahi padta.

Itna guroor Kiya tune Apne iss mitti ke jism par,
Jaa Tera ye jism kisi aur ka ho jaaye to mujhe fark nahi padta.

ek waqt tha jab tere liye khuda se mannate maangta tha,
Mujhe khud Apne liye to kuch cahiye na tha tere liye khuda Ko aazmata tha,

Lekin ab sunle ki ab to na jhukta hu,na Pooja hu,na maanta hoon kisi Ko,
Ab to bhale tu khud khuda bann Chali aaye to mujhe fark nahi padta.

Ek waqt tha jab Sher likha karta tha tere liye aur sunata tha mahefilo me,
Are ab to arso Baad likhi hai ye adhuri si Kavita tujhpe,

Par sunle ki ab aage se khuch na bhi likha jaaye to mujhe fark nahi padta.


Batana tujhe mil jaye mujh jaisa koi aur agar,
Ja,ja tu abb auro Ko aazmale mujhe fark nahi padta...


Ek waqt tha jab tujhe hazaro ki bheed me pahechan Liya karta tha,
Dupatte me hoti agar to aankhon se pahechan Liya karta tha,

Abb to nigahon se ojhal Kiya hai tujhko kuch iss kadar,
Ki duniya ki bheed me kahin tu mujhe padh bhi Rahi hai to mujhe fark nahi padta.

Khair fir bhi karta hoon shukriya Tera ki tere khone se maine bahot kuch paa Liya,
Nazmein,gazlein shayariyaan sab mil gayi hai mujhe,aur unhone to jaise mujhe gale se

 Laga Liya hai,
Abb to mujhe sunne wale bhi hai,cahane wale bhi hai,daad Dene wale bhi hai,

Lekin sunle ki abb to itna bekhauf ho Gaya hoon ki abb ye sab bhi mujhe chor jaaye to mujhe fark nahi padta.

Are khud hi me mast ho Gaya hai tera ye "Nitesh" itna,
Ke abb koi sunne aaye,na aaye mujhe fark nahi padta...

Cahata to nahi tha ki tujhe benaqab Karu sabke saamne,
Lekin sunle ki ek bewafa meri Kalam se beizzat ho jaaye to mujhe fark nahi padta...
.
Yaad kar wo waqt jab ek lafz nahi sunn pata tha Mai tere khilaaf,
Abb dekh ke Teri tauheen pe "likes" aaye to mujhe fark nahi padta.

Ek waqt tha jab tujhse Beintehaa Mohabbat karta tha.. abb to tu khud Mohabbat bann Chali aaye to mujhe fark nahi padta....

-Write By Jay Ojha








Thank You
Write By Jai Ojha
Ab Farq Nahi Padta - 
Jai Ojha Hindi Poetry

Post a Comment

0 Comments